Harvey Bernard MILK (naskiĝis la 22-an de majo 1930, mortis la 27-an de novembro 1978) estis usona politikisto, Membro de Urba Konsilio de Sanfrancisko; la unua malfermita samseksemulo elektita al publika ofico en Kalifornio. Pro lia iniciato estis enkondukitaj la unuaj leĝoj kiuj malpermesis diskriminacii gejojn kaj lesbaninojn en Sanfrancisko.
Feliĉan naskiĝtagon, Harvey Milk!
La saman tagon, kiam komenciĝos la 95-a Universala Kongreso de Esperanto en Havano, tra la stratoj de Varsovio iros la Eŭropa Gejfiero (EuroPride) – alivorte: tuteŭropa parado de geja fiero.
Ĝi estos grava festo, ĉar unuafoje en la historio EuroPride okazos ekster la orienta limo de Germanio, en Mez-Orienta Eŭropo. Probable alvenos multaj homoj kaj en Pollando plifortiĝos la debato pri rajtoj de gesamseksemuloj.
Mi ŝatus uzi tiun ŝancon ne nur por paroli pri demandoj ligitaj kun gejfobio aŭ registrita partnereco, sed ankaŭ promocii Esperanton! Ĉu eblas?
Mi kore invitas partopreni. Sian ĉeeston jam nun planas tri esperantistoj, mi bonkore invitas sekvajn!
Dum la tragedia kraŝo de la pola prezidenta aviadilo apud la rusia urbo Smolensk, kiu okazis hieraŭ matene, inter aliaj mortis unu el malmultaj polaj politikistoj, kiuj kuraĝe batalas por homaj, virinaj kaj GLAT-aj rajtoj. Mortis Izabela Jaruga-Nowacka, deputito de la pola parlamento, kara subtenantino de la GLAT-movado, iama registara plenpovulo pri egala stato de virinoj kaj viroj.
Kiam ŝi postenis tiun ĉi oficon, okazis la socia akcio “Ili vidu nin!”, dum kiu samseksaj paroj montriĝis ĉe la afiŝoj metiĝante siajn manojn. Tiu evento komenciĝis en Pollando debaton pri egalrajteco de gesamseksemuloj kaj maltabuiĝis samseksemon. Sen ŝia helpo tiu-ĉi akcio ne okazus.
Omaĝon al memoro pri Ŝi!
Vidu ankaŭ:
Galerio de kelkaj afiŝoj “Ili vidu nin!”
Kontrolu ĉe la Vikipedio:
Izabela Jaruga-Nowacka, Kraŝo de la pola prezidenta aviadilo
La nova monato liveris al ni kelkajn novaĵojn. Feliĉe, la unua de aprilo estas ŝercotago, do ne ĉiuj veras. Almenaŭ tiel mi esperas!
E@I informis ĉe la sia retpaĝo, ke ĝi alinomiĝas al Education@Internet kaj ne plu uzos Esperanton (oni devas konsenti: terura ŝerco!) kaj, aliflanke, Libera Folio avertis siajn legantojn: “por kontraŭlabori la ĉiam pli maltrankviligan disvastiĝon de la latina literaro, ni tial ekde nun uzos nur la preferatan alfabeton de Zamenhof – la cirilan”. Probable neniu kredis je tiu ĉi informoj, sed certe kelkaj miris kaj multaj ridetis. Estas agrable, ke tiu amuza tago estas festata ĉe la Esperantujo!
Alian gravan novaĵon, kiun ni obtenis ĉe la komenco de la kvara monato de jaro, estas la afero tute vikipedia, tamen direktata ne nur por vikipediistoj. Vikipedia komunumo kaj E@I (feliĉe, ambaŭ esperantistaj!) anoncis la aprilon monato de Vikipedio kaj volas premii kontribuojn al la esperanta Vikipedio farotaj dum la tuta aprilo 2010. Ĉiu peno farata por plibonigi kvaliton de la esperanta Vikipedio indas aplaŭdon kaj subtenon, ĉar ebligas montri Esperanton kiel lingvon, en kiu oni eblas paroli ne nur pri ĉie ĉeestanta en Esperantujo amikeco, sed ankaŭ pri politikaj, geografiaj, sciencaj kaj aliaj ĉiutagaj temoj.
Vidu ankaŭ:
E@I: E@I transiras al la angla
Libera Folio: Латинай литерой? Не данкон!
Kontrolu ĉe la Vikipedio:
Ŝercotago, Vikipedio:Konkurso
La debato kiu komenciĝis ĉe la Okcidenta Eŭropo kaj temas pri la “ekspansio de islamanoj” nepre alvenis Pollandon.
En Varsovio daŭras konstruado de la dua moskeo. En la ĉefurbo de Pollando ekzistas jam unu alia – malgranda, farita en 1993 jaro per adaptado de la iama vilao. Ĉi-tiu sunaisma moskeo ne sufiĉas al la islama societo – ĉefe dum la religiaj festoj ĝi ne enhavigas ĉiujn kredantojn.
La sola moskeo en Varsovio servas por kelk-mila islama socio
fot. Jagoda, doorg.info (fonto)
Plejmulto de islamanoj kiuj vivas en Pollando estas ĉi-tie nur “pere”, voje el Arabio al la Okcidenta Eŭropo. Komunumo de islamanoj ne estas tro granda, nombras ĉ. 35-40 mil (skale tuta, preskaŭ 40-miliona ŝtato), sed havas nur kvar moskeoj.
Semajnfine en Varsovio okazis demonstracio de kontraŭuloj, homoj kiuj malaprobas ideon starigi la moskeon kun minareto en – kiel diras kelkaj de ili – “nia katolika lando”. Malgraŭ ke la manifestacio ne estis tro granda, ia parto de socio forte subtenis ĝin. Laŭ opiniosondo farita fine de marto 2010 de Pracownia Badań Społecznych (Laborejo de Sociaj Enketoj) por “Gazeta Wyborcza” (Elekta Gazeto), konstruadon de moskeo apude de ilia loĝloko kontraŭus 42% de enketitoj, 48% akceptus tion.
La moskeo, kiu estas nun konstruata en Varsovio, estas nur parto de la pli granda projekto, nome Centro de Muzulmana Kulturo. Ĝi estos loko kiu promocios kulturon de islamanoj, laŭ planoj en organizotaj tie i.a. art-galerio kaj biblioteko. La preĝa funkcio do ne estos nura kaj malgraŭ ke oni starigos 18-metran minareton, muezino ne alvokos por preĝoj ekstermoskee (lia voĉo estos aŭdebla nur ene de la ĉambro de preĝoj).
La debato pri tiu ĉi temo devigis min konstati, ke la malvero estas ke Pollando estas religi(em)a ŝtato. Simple, ĝi estas nur katolik(em)a.
